Ma-eksperiensyahan ro 13 oras nga power interruption sa 13 ka banwa sa Aklan sa adlaw it Sabado, Abril 13, 2024.
Base sa power advisory it Aklan Electric Cooperative, Inc. (AKELCO), maduea-an it suplay it kuryente ro mga banwa it Kalibo, New Washington, Banga, Libacao, Madalag, Tangalan, Makato, Numancia, Lezo, Malinao, Ibajay, Nabas, portion it Batan partikular sa Caiyang, Camaligan ag Magubahay.
Magaumpisa ro power interruption it alas 5 it agahun hasta alas 6 it gabii.
Raya hay bangud ro NGCP hay magapatigayun it annual PMS sa Nabas Sub-Station. // ANN DESLENE SALAZAR