SORSOGON CITY – Tinukoy ng Department of Trade and Industry (DTI)-Sorsogon ang 16 na mga business establishment sa lalawigan na naisyuhan na ng Safety Seal Certification mula sa implementasyon ng nasabing programa.
Kinabibilangan ito ng Citi Hardware Sorsogon, Savemore 1 at 2, LCC Bulan, LCC Magsaysay. A Recebido Electronics Ref & Aircon Repair Shop, bagtawo builders, Ace Hardware, Puregold, Wilcon Depot, Merrymart Grocery, DIY Hardware, Mr. DIY Sorsogon, 711 Bulan, at ang tatlong 711 sa lungsod.
Ayon sa DTI bukod sa may karagdagang 10 porsyento sa pinapayagang operating capacity ang nasabing mga establisiyemento ay pinapayagan din ang mga ito na i-renew ang kanilang sertpikasyon isang buwan bago ang expiration nito.
Matatandaan na batay sa Joint Memorandum Circular No. 12-01 series of 2021 ang DTI ang issuing authority ng Safety Seal Certification ng mga business establishments tulad ng groceries, supermarkets, shopping clubs, convenience stores, construction supply at hardware stores, barbershops at salon service, repair shops at logistic service providers.
