Kapareho it dati nga mga eleksyon sa probinsiya it Aklan, mas maabong mga kandidato nga eaeaki ro nagadaeagan sa mga government positions kaysa sa mga babaye, raya hay base sa opisyal nga listahan it Commission on Elections (Comelec).
Base pa sa report it Comelec, sa 437 nga kandidato sa Aklan, 83 eamang dikara hay mga babaye o 18.99% it kabieogan nga numero it mga kandidato ng nagahangad it posisyon sa gobyerno.
Ro kabanawahan it New Washington ag Batan ro may pinakamaabo nga numero it mga babaye nga kandidato nga may tig-walo. Ginsundan raya it Malay nga may pito ka kandidato kasunod ro Kalibo ag Makato nga may tig-an-um, ag Numancia, Altavas, Banga, Buruanga, Ibajay nga may tig-lima nga babaye nga mga kandidato.
Walo nga kababayen-an man ro nagadaeagan sa Lezo ag Nabas, sa Malinao ag Tangalan nga may tig-tatlo ka mga kandidato ag tig-daywa halin man sa Libacao, Madalag ag Balete.
Samtang ap-at ka mga incumbent women mayor ro nagahangad nga uman nga makaangkon it posisyon sa New Washington, Malinao, Buruanga, ag Lezo, samtang daywa ka incumbent vice mayors ro nagadaeagan sa Kalibo ag Buruanga./JIL B. LACSON