Dakpan ang usa ka 18 anyos nga lalaki human nga misulay og itsa og gituohang shabu sulod sa Davao City Jail Main Dormitory sa Barangay Maa, ning syudad.
Dakpan sa akto si Alyas Rem, ulitawo, scavenger ug residente sa Calinan ning syudad nga mi-itsa og kontrabando sulod sa nasangpit nga pasilidad.
Nakuha sab sa posisyon sa dinakpan ang tulo ka pakete sa gituohang shabu nga gibana-banaan nga mutimbang sa 2.05 gramos nga dunay Standard drug Price nga Php 19,720.00.
Samtang, nakuha sab ang 30 kabook nga Mascada Tobacco (tres bee), usa ka unit sa cellphone, Battery, usa ka unit sa Samsung cellular phone (keypad), lighter, duha ka pack sa sigarilyo ug Color white ug Red plastic cellophane.
Kinatibuk-an, gibana-banaan nga mutimbang ang narekober nga gidudahang shabu nga anaa sa 2.9 grams nga dunay estimated Street Value nga MOL Php 52,200.00.