SIKOP sa kapulisan sa GenSan ang duha ka lalaki nga nalambigit sa pagbaligya og iligal nga droga. Sa taho sa General Santos City Police office usa ka batan-on nga giila kang Aron Parreṅo, 21-anyos, taga Employees Village, Barangay Fatima ang napalitan og 11 ka putos sa marijuana gamit ang P500 pesos nga drug buy bust money.
Samtang balhog usab sa selda ang laborer nga si Samuel Merlin Jr. temporaryong nagpuyo sa Prk Felomena, Brgy Calumpang lumad nga taga Brgy Limbaan, Davao del Norte dihang nagpositibo sa chemistry report ang nakonpiska nga gituohang shabu gikan niini nga nagkantidad sa P803.00.
Sumala kang PLt. Col. Aldrin Gonzales tigpamababa sa GSCPO padayon silang nanawagan sa katawhan nga itaho ang unsa mang iligal aktibidad nga mabantayan sa lugar. Sa karon gihikutar na sa kapulisan ang tukmang kaso nga ipasaka batok sa mga dinakpan. I Enamie Mogpon