Gibutyag ni Police Colonel Ireneo Dalogdog, hepe sa Cebu City Police Office (CPPO), nga wala na nagpakita o nag-absent without leave (Awol) ang duha ka mga polis sa dakbayan sa Sugbo nga nag positibo sa paggamit sa ilegal nga drugas atol sa gilusad nga surprise drugtest niadtong Abril 2023.
Human nigawas ang confirmatory test nga tiggamitan ug ilegal nga drugas ang duha, gipaubos dayon kini sa administrative investigation.
Matud ni Dalogdog nga bisan wala na nagpakita ang duha ka pulis, padayon gihapon ang gihimong dismissal proceedings sa Police Regional Office(PRO-7) tungod kay dili modupa ang kadagkoan sa kapulisan sa mga sakop niini nga nalambigit sa ilegal nga drugas.
Ang duha ka pulis giingong mga sakop sa Station Drug Enforcement Unit (SDEU).//