Patay ang tatlong estudyante habang walong iba pa ang sugatan sa panibagong insidente ng shooting sa isang high school sa Michigan, USA.
Kabilang sa mga namatay ang isang 16 anyos, 14 anyos at 17 anyos habang natukoy ang suspect na isa ding 15 anyos na estudyante.
Napag-alamang umabot sa 15 hanggang 20 na shots ang pinakawalan ng suspect gamit ang isang semi-automatic handgun.
Hindi pa naman malinaw kung ano ang motibo ng suspect sa kanyang ginawang krimen. Kusang sumuko naman ang suspect matapos ang limang minuto nang dumating ang mga pulis sa lugar.
Samantala, nasa stable condition na ang 6 na sugatang biktima habang isinasailalim pa sa operasyon ang dalawang iba pa dahil sa tindi ng tama ng bala sa kanilang katawan