Tulong katawo an arestado sa P-1, Bgry. San Joaquin, syudad nin Legazpi huli sa kasong may kinaraman sa iligal na pagsugal kasuodma.
Binisto an mga akusado na sina alyas “Cora”, 53 anyos; “Roberto”, 56 anyos; asin si “Rico”, 46 anyos.
Sa report kan pulisya, nadakop kan mga operatiba kan Legazpi CPS an tulong persona in flagarante delicto na nagpapartisipar sa tong-its, mantang nagkokondusir nin intelligence monitoring.
Nakumpiskar hale sa lugar kan insidente an sarong set ki baraha asin bet money na nagkakantidad PHP300 sa manlain-lain na denominasyon.
Tulos na dinara pulisya an mga akusado kaibahan an mga ebidensya para sa magkakanigong disposisyon.