37-anyos nga lalaki, arestado sa kaso nga carnapping sa syudad sang Roxas

Arestado ang isa ka 37-anyos nga lalaki matapos ginserbehan sang warrant of arrest sa Pueblo de Panay, Roxas City.

Ginkilala ang naaresto kay Arvin Dapugo Ong, residente sang Loctugan Hills, Brgy. Lanot, sining syudad.

Nagapangatubang sang kaso nga paglapas sa RA 10883 ukon The New Anti-Carnapping Act of 2016 si Ong.

Ang warrant of arrest ang gin-isyu kag ginpermahan ni Hon. Lorencito B. Diaz, Presiding Judge sang Regional Trial Court, 6^th Judicial Region, Branch 17, Roxas City napetsahan Mayo 30, 2023.

Ginrekomendar sang korte ang P200,000 nga piyansa para sa temporary nga kahilwayan sang akusado.

Sa karon, yara na sa kustodiya sang Roxas City PNP si Ong para sa nagakaigo nga disposisyon. | Judy Ann Juare