Nadakpan it Malay PNP sa pagpamuno ni PLTCOL DON DICKSIE L DE DIOS, Chief of Police ro mga driver it bukon it rehistradong motorsiklo ag topdown nga nag eapas sa Article 18 ng Municipal Traffic Code ‘Special Permit to Transport Vehicles to Boracay Island’.
Suno kay PLTCOL DE DIOS, ro mga driver it bukon it rehistradong motorsiklo hay nadakpan ku andang mga personnel kaeakip ro Municipal Transportation Regulatory Office sa tatlong adlaw nanda nga operasyon sa mga karsada sa isla it Boracay.
Kabilugan nga 38 ka motorsiklo ag 3 ka topdown ro nadakpan.
Ginpahayag pa ni PLTCOL DE DIOS nga ro probisyon it Special Permit to Transport Vehicles ro nagbutang sa mga informal transport vehicles sa idaeum it kategorya it colorum services.”
Ro mga impounded nga motorsiklo hay iga-transport sa mainland Malay ag ro mga tag-ana hay mataw-an it penalidad sa idaeum it article 18 it Municipal Traffic Code. / ANN DESLENE SALAZAR