Naka balik eon sa tagsa ka mga pamilya nga salbar ru 5 ka mga mangingisda matapos eomugdang ru gina sakyang bangka sa baybayon it Brgy. Baybay, Makato, Aklan.
Sa imbistigasyon, nakilaea ru mga nasalbar nga sanday Edmund Pastrana, 38 anyos, boat captain, kaibahan ru anang mga kaparehong mangingisda nga sanday Andrew Pastrana, 55 anyos; Edgar Lachica, 62 anyos; Jonel dela Cruz, 34 anyos ag Kevin Malana, 28 anyos, tanan mga taga Brgy. Cawayan, New Washington, Aklan.
Samtang, nakilaea ru mga nagsalbar sa mga biktima nga sanday Glen Tipay ag Ernie Tipay.
Suno sa mga biktima, hinampas sigun it mabaskog nga baeod ru gina sakyang bangka rasoin nga nasamad ag indi eon makabalik sa bibi it baybayon ku Pebrero 5.
Sa makaron, sa mayad eon nga condition ru mga biktima.//MARIVIC Y. ILIN