Unom ka tawo ang patay tungod sa nahitabong diarrhea outbreak sa upat ka barangay sa munisipyo sa Manay, Davao Oriental.
Subay sa report gikan sa DavOr Provincial Health Office, duha sa unom nga namatay ang tungod sa acute renal failure secondary to severe dehydration.
Moabot sa 44 ang kinatibuk-ang kaso– 8 sa Barangay Guza, 7 sa Barangay Central, 5 sa Barangay Del Pilar, ug 24 sa Barangay Cayawan nga maoy pinakaapektadong barangay.
Dugang sa report, 26 sa kaso ang nakarekober, 10 ang gipailawum sa home management, ug duha ang naka-admit karon sa Davao Oriental Provincial Hospital -Manay.
Kasamtangan na usab nga nagpahigayon og imbistigasyon ang Provincial Health Office dungan sa paghatag og technical assistance sama sa chlorine ug aqua tabs alang sa 350 ka panimalay.
Gidid-an una ang mga residente nga dili imnon ang tubig gikan sa ilang mga tinubdan hangtud dili pa makumpirma kung luwas.
Karong adlawa usab magpahigayon og rectal swabbing sa mga residente ang mga personahe sa PHO.
Provincial Health Officer II Dr. Reden Bersaldo has assured that they are in close coordination with the Rural Health Unit to address the current situation and to prevent further deaths. BNFM-DAVAO
