Nanindigan si Armed Forces of the Philiippines (AFP) spokesperson Col. Medel Aguilar na sumusunod ang buonag Kasundaluhan sa chain of command at sa Konstitusyon.
Ginawa ni Aguilar ang pahayag sa gitna pa rin ng isyu ng una nang pinabulaanang ‘destabilization’ sa kanilang hanay, pagbabago sa AFP leadership, at ang resignation kahapon ni Department of National Defense (DND) officer-in-charge senior undersecretary Jose Faustino Jr. sa puwesto.
Ayon sa AFP spokesperson, hindi na kailangan pang magsagawa ng loyalty check sa kanilang hanay.
READ MORE: Sitwasyon ng AFP at DND, dapat linawin – solons
Paliwanag niya, masasayang lang ang oras nila kung pag-iisipan pa ang mga ganitong isyu.
Sa ngayon, wine-welcome nila si Peace Adviser Secretary Charlie Galvez bilang bagong kalihim ng DND.
Aniya, subok na ang liderato ni Galvez sa paglaban sa COVID-19 nang magsilbi itong vaccine czar; at ang pagpapanatili niya sa kapayapaan nang pangunahan naman ni Galvez ang Marawi liberation.
Bago ito, una nang pinabulaanan ni DND spokesperson Arsenio Andolong ang napaulat na mass resignation sa kanilang Kagawaran.
Napa-ulat kasing matapos ang resignation ni Faustino, nagsipag-bitiw na rin sa puwesto ang iba pang mga DND usecs na mga mistah rin nina Faustino at dating AFP chief-of-staff Lt. General Bartolome Bacarro.
#