KALIBO, AKLAN — Naga abot eon sa kabilugan nga 12,321 ro nailistang kaso it covid-19 sa bilog nga probinsya it Aklan.
Raya hay matapos madugangan it 38 ro mga nagpositibo halin sa 115 nga mga swab samples nga gin-test sa laboratory it Aklan.
Sa pinakaulihing datos it Aklan Provincial Epidemiology Surveillance Unit it Provincial Health Office, sa nasambit nga numero hay 11 ro halin sa banwa it Banga; tig an-um sa banwa it Ibajay ag Madalag; lima sa Malinao; tatlo sa Malay; tig daywa sa New Washington ag Lezo; ag tig-sambilog halin sa banwa it Altavas, Numancia ag Makato.
Sa makaron hay 311 eon lang ro aktibong kaso sa bilog nga probinsya nga ginaeakipan it 213 nga una sa facility quarantine; 56 nga naka-home quarantine ag 42 ro admitted. / ANN DESLENE SALAZAR