LEGAZPI CITY – Tinawan-doon kan Albay Provincial Youth and Sports Development Office (PYSDO) an mga bagay na dapat na pokusan ngunyan kan mga madaralagan o meeelehir sa Sangguniang Kabataan sa mga barangay.
Sa intrevista kan Brigada News FM Legazpi kay Rhondon Ricafort, namamayo kan nasambitan na opisina, sinabi niya na dapat an mga plano ninda susog sa iniluwas kan Philippine Youth Development Plan (PYDP) kun sain kairiba an salud, pangengenot, asin an agrikultura.
Segun saiya, agrikultura an pinakadapat na pokusan kan mga ini. Katunayan, nasa plano na an saindang opisina ngunyan para sa ilulunsar nindang 6 months competitions sa 720 barangay sa probinsya o an “Agri-Kabataan: Pagkain sa Bawat Pamayanan”.
Saro su boot ining backyard agriculture na gigibuhong kompetisyon alagad nasa estado pa sana sinda kan pagpipreparar.
Sinabi pa ni Ricafort, kaibahan digdi an ibang mga ahensya na maturuwang siring kan Albay Provincial Agricultures Office (APAO) asin magkakaigwa pa sinda nin mga pag-urulay nganing ma-enganyar an mga SK na magkaigwa nin programa para sa agrikultura.