Nagpatigayun it Aklan Vaccine Operation Coordination Meeting ro Provincial Health Office (PHO-Aklan) sa pakikipagbueoligan sa Department of Health – Aklan kahapon, Setyembre 15, 2022.
Ro nasambit nga pulong hay may tinutuyo nga matalakay ro presente nga sitwasyon it baeakunahan it COVID-19 sa mga LGUs sa Aklan ag para man maplastar ro mga target LGUs nga alalayan it PHO samtang nagahilapit ro pagtapos it PinasLakas First 100 days campaign.
Matandaan nga may direktiba halin sa national government nga pabaskugon pa ro vaccination ag booster vaccination eabi eon sa mga senior citizens ag iba pang mga eligible nga indibidwal. / ANN DESLENE SALAZAR