LEGAZPI CITY β Nakua kan probinsya kan Albay an panduwang puwesto sa pinakaaralangkaw na puntos sa 2022 Peace and Order Council Performance Audit Result kan Department of Interior and Local Government.
An probinsya, nakakua nin 95.54%, minapanduwa sa Naga City asin Sorsogon na parehong may 96.71% na score.
Sunod an Catanduanes na may 93.04%; Camarines Norte na may 89.25% asin udyan sa listahan an Masbate na may 84.59%.
Mientras, sa 18 mga lokal na gobyerno sa Albay, 6 digdi an nakakua nin perfect score sa kaparehong resulta.
Ini an mga LGUs kan Legazpi City, Tabaco City, Daraga, Polangui, Malilipot asin Santo Domingo.
Alagad, maogma man na ibinabareta na an 18 mga LGU kan probinsya, igwa nin 100% functional na peace and order council basado sa iniluwas na resulta kan nasambit na audit.