CEBU -Gisaad sa bag-ong direktor sa Land Transportation Office sa Central Visayas (LTO-7) nga si Director Glen Galario nga nag-una sa iyang prayoridad mao ang pagpanghatag sa tanang wala ma-claim nga mga plaka sa motorsiklo ug sakyanan ug ang pagpatuman sa road safety measures.
Matud ni Galario nga target niya nga mapagawas ang anaa sa tunga sa milyon nga mga plaka karong tuiga tungod kay nagplano usab siya nga pakusgan pa ang pagpahigayon sa roadside inspections aron mapalambo ang kaluwasan ug kahapsay sa kadalanan.
Tungod niini, mapugos ang tanang draybers ug motorista sa pagkuha ug rehistrasyon sa sakyanan ug lisensya sa pagmaneho.
Si Galario niingon nga nakadawat siya ug marching order gikan sa Department of Transportation (DOTr), mother agency sa LTO, nga isiguro ang pagrelease ang tanang wala ma-claim nga mga plaka sa motorsiklo ug sakyanan sa Central Visayas.//