Naging bisita it banwa it Kalibo ro mga opisyal ag empleyado it LGU Nueva Valencia, Guimaras ku Marso 5, 2024.
Sa pagpanguna ni Atty. Paul Vincent G dela Cruz, Municipal Mayor it Nueva Valencia, kaeakip ro mga SB Members ag mga empleyado it sari-sari nga mga opisina it Munisipyo, andang ginbisita ro banwa it Kalibo para masayran ro mga Best Practices kara pag abot sa pagpadaeagan it Kalibo Slaughterhouse sa idaeum it Public Private Partnership PPP sa Philippine Slautherhouse Management and Operation PSMO.
Mainit man sanda nga ginbatun ni Mayor Juris Bautista Sucro, kung siin, gin-eksplikar ni Dr. Rey Villaruel, Municipal Treasurer it Kalibo ro Treasury Revenue Generation, ro operasyon it Slaughterhouse ag iba pang Best Practices it Office of the Sangguniang Bayan it Kalibo pinaagi kay Vice Mayor Cynthia Dela Cruz.
Gindaea man sanda sa Bakhawan Eco Park pinaagi it Tourism and Cultural Affairs Division. // ANN DESLENE SALAZAR