Kinahanglan na nga magpresenta og proof of ownership ang mga bike owners nga magparehistro sa ilang mag bisekleta nga maoy gimando ubos sa Amended Bike Lane Ordinance sa syudad.
Sumala kang Davao City Transport and Management Office head Dionisio Abude, mamahimong resibo sa dihang gipalit ang bike ang ipakita sa pagaprehistro aron masiguro nga tinood nga tag-iya ang nagparehistro niini.
Dugang sa opisyal, kinahanglan usab personal nga mopakita ang bike owner aron mapailawum sa interview ug orientation kabahin sa bicycle lane ug paggamit sa traffic rules and regulations lakip na mga penalidad kung dunay pagsupak nga mahimo.
Kahibaluang ubos sa City Ordinance 0068-2021, o ang Amended Bike Lane Ordinance, madatory ang bicycle registration kung asa anaa sa 20 pesos ang bayaran matag tuig ug mga rekisitos sa registration gilangkuban sa usa ka
helmet o protective headgear, duha ka reflectors o ubang warning lights, tulo ka horn kon serbato, ug upat ka working brakes.
Ang mga bisikleta o mobility vehicle nga nakarehsitro na butangan sa waterproof sticker nga dunay kalakip nga license number.
Sa pagkakaron ang Franchising and Regulatory Division sa CTTMO padayong nakiglambigit sa mga barangay isip pagpangandam sa Full implementation sa Bike Lane Ordinance human unya sa 15 ka adlaw nga pagmantala niini sa pahayagan. BNFM-DAVAO
