DUNGAN nga gi-inspeksiyon ug gi-evaluate nila General Santos City Police Director, Col. Gilberto Tuzon ug Atty. Donna Ann Balboa- ang kasamtangang Executive Assistant sa City Mayor’s Office ang mga “Border Checkpoints” sa dakbayan sa Gensan kagahapon sa hapon (Hulyo 12, 2021).
Kini para pagpakusog sa implementasyon sa City Health ug Security Protocols.
Gihimo kini nga lakang human nasayran sa local IATF nga misaka og gamay ang ihap sa mga magsusupak sa gapadayong implementasyon sa Sunday Lockdown o No Movement on Sunday.
Atol sa inspeksiyon, gipahinumdoman ni Col. Tuzon ug Atty. Balboa ang mga on-duty personnel sa mga Border Checkpoints sa mga daan nang ga-exis nga mga giya batok sa posebling pagsulod sa COVID-19 ug African Swine Flu (ASF), ingon man ang kabahin sa security concerns nga posebling ma-encounter nila sa mga bag-ong bantay sa Checkpoints. (REM C. AGDON)