GIAWHAG sa mismong administrator sa Bulaong terminal nga si Restituto “Jong” Facurib ang tanang mananakay nga ireklamo sa iyang buhatan ang kinsa mang mga drivers sa mga pampublikong sakyanan ang maningil og sobra sa pamasahe o overpricing aron nga malikayan ang mga pagpangabuso sa mga pasahero.
Gilaomang usab mudagsa ang mga pasahero karong adlawa. Sumala pa ni Facurib nga bisan pa man dagsaon sila sa mga pasahero, dili gihapon mamahimong malabwan ang ihap sa mga pasaherong naitala niaging katuigan kung itandi karong tuiga.
Base sa talaan sa Bulaong terminal pinakadakong naitala nga ihap sa mga pasahero, niabot sa 12,000 kanidatong tuig 2019 wala pa’y pandemiya. Ug anaa nalamang sa 4,000 ka mga pasahero niaging tuig 2021. Gisiguro usab nila ang siguridad sa mga pasahero og adunay 16 ka mga CCTV cameras ang naka-install sa Bulaong terminal. I MJ Fernandez