Ginpahayag it Commission on Human Rights (CHR) nga magahiwat sanda it imbestigasyon angot sa insidente sa Iloilo District Jail-Male Dormitory sa Nanga. Pototan, Iloilo kung siin nagwelga ro mga preso bangud segun uwa sanda ginapakaon it enskato.
Base sa kumpirmasyon ni Atty. Jonnie Dabuco, director it CHR Region 6, bago pa man natabo ro insidente, naghiwat eun sanda it surprise jail visits sa meain-eain nga mga presuhan sa Western Visayas.
Pinakaulihi nga ginbisita it mga organisasyon ro Iloilo District Jail ku Mayo kung siin uwa sanda it nabaton nga bisan ano nga mga reklamo./JIL B. LACSON