SUBLING gitino karon ni Mary Ann Tan, labaw sa City Housing and Land Management Office nga walay pagtugot gikan sa iyang opisina ug mismo sa mayor sa GenSan nga mubalik ang mga nasunugan sa area sa purok Saeg, Brgy.Calumpang.
Gitino ni Tan, usa ka private property ang area mao nga mainampingon sila ug ginawhag ang mga legitimate owner sa luna nga protektahan nila kini nga dili sudlon sa mga tawo.
Nasayran nga namalik ang mga residente ug nagtukod sa ilang balay hinungdan nga nagkagubot tungod sa pagtumaw sa claimant.
Una nang gisultian ni Tan ang kapitan sa Barangay Calumpang nga si Ryan Dupalco nga mainampingon sa mga lakang tungod usa ka pribadong luna ang giukopa sa mga tawo. Gitambagan na usab niini ang kapitan nga kung mamugos mobalik, kinahanglan nga may pinirmahan ang mga katahwan nga waiver o affidavit nga kung ugaling gamiton na sa legitimate owner ang area, andam sila nga mohawa nga walay unsa mang gipangayo.