Pormal nang binuksan ngayong araw ang City of Ilagan Medical Center (CIMC) sa Barangay Lullutan, City of Ilagan kasabay ng selebrasyon ng ika-siyam na Cityhood Anniversary ng lunsod.
Sa panayam ng 92.9 Brigada News FM Cauayan kay Mr. Paul Bacungan, ang public information officer ng LGU-Ilagan City, nasa 150 bed capacity 2nd level classification ng DOH ang CIMC.
Aniya, mayroon nang 40 full time nurses at doctors ang hospital kung saan magsisilbing CIMC Director si Dra. Herbie Barios.
Kumpleto na rin umano ang bed, electric fan, aircon at iba pang gamitan ang hospital tanging ang License to Operate na lamang mula sa DOH ang hinihintay ngunit maari nang tumanggap ang hospital ng mga emergency cases.
Habang ang mga biniling ibang hospital equipment ay hindi pa dumarating dahil galing pa umano ito sa ibang bansa.
Dagdag pa ni Mr. Bacungan, sa oras na maging fully operational na ang CIMC ay handa umano silang tumanggap ng mga covid patients na nasa kritikal ang kondisyon.
Magugunita na ginawa nang isolation unit para sa mga mild at moderate cases ng covid-19 ang 3rd floor ng CIMC nang magkaroon ng surge ng kaso noong March, 2021.