SUBLING nag-inspection ang taga City Permit Division sa mga barangay nga may peryahan sa GenSan aron masusi kon aduna silay gihuptan nga mga permit o pagtugot gikan sa Local Inter Agency Taskforce to End COVID-19 Virus.
Sa kumpermasyon ni Licensing Officer 4 Geraldine Zamora ang mga Barangay nga adunay peryahan ang Buayan, Conel, South, City Heights, Calumpang ug Apopong ug gihatagan niini og taning ang mga taga peryahan nga mokuha og special permit sa syudad hangtud Pebrero 24 sa hapon.
Gipaklaro ni Zamora nga ang Buayan adunay pagtugot sa IATF apan kaniadto pang bulan sa Enero samtang ang sa Conel kaniadto lang Pebrero 4 nakakuha og pagtugot nga mag-operate.
Samtang adlaw nga Martes adunay duha ka operator sa peryahan nga nag proseso na sa ilang permit mao nga iyang gihatagan og pormas.
Gidugang ni Zamora nga iyaha pa sayron kon ang gi-isyu nga pagtugot hangtud sa hangtud na kay nisaka man sa alert level 3 ang Gensan apan nauna na nga naga-operate ang peryahan bag-o pa ang level 3.
Tungod niini naga panawagan si Zamora sa mga barangay nga i-monitor ang ilang sakop ilabi na ang peryahan kay basin sa kaluag basin mobalik na hinuon ang pagsaka sa mga kaso sa COVID19 virus.
Kahibalauan nga gipatawag sa konseho si Zamora may kalabotan sa peryahan ug gisulti niini nga daghan ang nag-operate nga peryahan ug naulahi ang pagkuha sa pagtugot sa syudad ug nagbahad si Zamora nga iyang ipasarado ang magmagahi sa pagkuha og special permit sa IATF. I Ver Diazon