Naputuean it tuo nga siki ru sangka collector matapos aksidenting sumalpok sa jeep ag bumangga sa elf truck sa Brgy. Laguinbanwa East, Numancia, Aklan.
Sa imbistigasyon, nakilaea ru biktima nga si Estanislao Quisel, 32 anyos ag residente it Brgy. New Buswang, Kalibo.
Halin sa Numancia ru motorsiklo nga gina maneho it collector kat aksidenting sumalpok ru likod nga portion it jeep nga gina maneho ni Jose Arguilles, 70 anyos ag residente it Pob. Makato, Aklan kat naga paliko konta sa sangka gasolinahan.
Sa pagkatumba, tumabok sa pihak nga lane ru motrsiklo ag iksakto man nga may naga paeangop nga elf mini dump truck nga gin amaneho man ni Romel Abello, 27 it ABiera, Sebaste, Antique.
Raya ru rason nga nabangga ag naputuean it siki ru biktima.
Eagi man nga gin respondihan it MDRRMO-Numancia ag gin daea sa hospital ru biktima.
Sa makaron, sa mayad eon nga condition ru biktima ag confine pa sa hospital.
Samtang, nag promesa man ru driver it saeakyan ag elf truck nga maga bulig sanda sa hospital bill it biktima.//MARIVIC Y. ILIN