Comedian and Host na si Vhong Navarro, pinayagan ng Korte na makapagpiyansa

Pinayagan na ng Korte na makapagpiyansa ang aktor at komedyanteng si Vhong Navarro para sa kasong rape na isinampa ng model na si Deniece Cornejo.

Sa order na inilabas ng Taguig Regional Trial Court Branch 69, pinayagan ang petition for bail na inihain ng kampo ng aktor.

Ayon sa Presiding Judge na si Loralie Cruz Datahan, inirekumenda ng Korte ang P1,000,000 na piyansa para sa pansamantala nitong kalayaan.

Idiniin sa order na ang ‘inconsistencies’ at ‘discrepancies’ sa mga affidavit ni Cornejo ay kailangan pang busisiin.

Ipinunto rin ng Korte na wala pang konkretong patunay na ‘drugged’ si Cornejo maliban lamang sa kanyang testimonya.

Sinabi pa sa order na matapos ang alleged rape incident, nakapag-text, nakapagbihis, at nakauwi pa sa isang kaibigan si Cornejo.

Matatandaang dalawang linggo nang naka-detain si Navarro sa Taguig City Jail matapos itong i-transfer mula sa kustodiya ng National Bureau of Investigation (NBI).

September 19 nang unang mag-isyu ang Korte ng non-bailable case laban kay Navarro.
#