Arestado ro sangka eaeaki sa ginkasa nga drug buy bust operation sa may Sitio Cabanbanan, Manocmanoc, sa isla it Boracay.
Ginkilaea ro inarestong si Edric Maghari, 36yo ag sangka commissioner sa isla.
Narekober sa posisyon kara ro daywang sachets it suspected shabu ag P1,000 buy bust money.
Nasayuran nga dati eon raya nga nakulong bangud man sa illegal nga droga ag nakahilway ku rayang 2018.
May daywang buean eon gali raya nga gina-monitor it mga otoridad ag ginakabig nga high value target.
Sa makarun hay kulong eon raya sa Malay MPS ag nakataeana nga kasuhan it pag eabag sa RA 9165 o Comprehensive Dangerous. Drugs Act of 2002. / ANN DESLENE SALAZAR