KALIBO, AKLAN—Arestado do sangka construction worker sa ginkasa nga drug buy bust operation sa Sitio Libtong, Brgy. Estancia, Kalibo, Aklan.
Ginkilaea do suspek nga si Jomar Apolinario, 31 anyos ag residente it Brgy. Tisa, Roxas City, Capiz.
Sa joint operation it Kalibo Municipal Police Station ag Philippine Drug Enforcement Unit (PDEU), nabak-ean do suspek it sangka sachet it suspected shabu kabaylo it Php 2,000 pesos nga buy bust money kung siin sa ginpatigayon nga body search hay narevocer man kana do sambilog pa nga sachet it illegal nga droga nga nakabutang sa sangka sanitary napkin nga gintago kara sa ana nga brief.
Samtang, hugot man do pagpamalibad it suspek nga nagagamit imaw ag nagabaligya it illegal nga droga.
Sa makarun hay nakakulong raya sa Kalibo PNP at magapangatubang sa kasong pag-eapas sa RA 9165 o Comprehensive Dangerous Drugs Act of 2002. // SHERRY ANNE REUNIR-VIDAL