Base sa sangka pagpati, natural sa mga babaye ro pagka-aeabuton nga ginpamatud-an gid man it sangka dalagita sa San Vicente, Palawan.
Nag-inusoy ro pamilya ag mga otoridad sa 15 anyos nga dalagita nga ginkilaea eamang kay Alyas Karina, matapos nga ginea-om it tanan nga plano na kara nga magpakamatay bangud eamang nagsunggod raua sa anang nobyo.
Naguwa sa imbetigasyon it mga kapulisan nga uwa it plano si Karina nga magpakamatay kundi nagsaka0 eamang raya sa bukid it San Vicente, Palawan agud magpalamig.
Base sa anang panaysayon, uwa segun napansin ni Alyas Balmond, boyfriend ni Karina nga mag-adto raya sa andang baeay bangud busy ro nobyo sa pag-eaba.
Bangud dikara, nag-aywan it sueat ro dalagita nga nagapahayag nga masaka raya sa bukid nga ginea-om man it nobyo nga sambilog ka suicide note.
Insigida man nga nagpangayo it bulig ro nobyo sa mga otoridad para usuyon ro dalagita.
Nakit-an man si Karina ag sa presente, sa poder eun raya it anang pamilya ag manami eun ro kahimtangan./JIL B. LACSON