Sa mga nakalipas na araw ay nagkaroon ng mga usapin sa Albay tungkol sa sinasabing may magbabalik na opisyal na iniuugnay din sa umano’y pagpunta ni Department of Interior and Local Government (DILG) Sec. Benhur Abalos, Jr. sa lalawigan.
Sa isang text message, kinumpirma ng mismong opisyal sa Brigada News FM Legazpi na pupunta nga siya sa Albay, ngunit hindi niya tinukoy kung sa darating na Biyernes o Sabado, at hindi rin sinabi ang pakay.
Kaugnay nito, kinumpirma rin ng DILG Bicol na darating nga alin man sa nabanggit na araw si Abalos ngunit para umano ito sa BIDA program ng central office.
Sa panayam naman ng Brigada News FM Legazpi sa alternative focal person for HAPAG program ng DILG Bicol na si Jute Balbedina, sinabi niyang mayroong aktibidad na isasagawa ang central office ngunit wala pang ipino-forward sa kanyang impormasyon tungkol sa pagdating ni Abalos sapagkat mayroon umanong committee na nag-aasikaso para rito.
To follow na lamang umano kung mayroon pang ibang agenda ang opisyal sa kanyang pagbisita sa lalawigan.
Komento naman ng ilang mga Albayano tungkol sa mga kumakalat na social media posts ay magbabalik umano sa puwesto si dating Albay Gov. Rosal na pinatalsik dahil sa isang disqualification case na isinampa laban sa kanya, ngunit marami naman ang tumutol at nagpakawala rin ng komentong “fake news” umano ang kumakalat sa social media.
Natanggap ng Land Transportation Office o LTO ang karagdagang 400 thousand na license card ngayong…
Mariing iginiit ni PNP Chief General Rommel Francisco Marbil na walang loyalty check na isinasagawa…
Iniulat ng Philippine Statistics Authority (PSA) ang bahagyang pagbagal sa galaw ng rice inflation. Batay…
'Practical decision' daw ang ginawang posisyon ni Pangulong Bongbong Marcos na hindi maglagay ang Pilipinas…
Patay ang apat na indibidwal dahil sa methane gas poisoning sa loob ng isang tunnel…
Labis umanong nababahala si Senate Deputy Minority Leader Risa Hontiveros sa kamakailang impormasyon na kanyang…