Limitado eon makarun ro pagdeliver it sangka distributor it sangka bottling company sa Aklan bangud man sa kakueangan it nagaabot nga suplay it softdrinks.
Sa interview it Brigada News FM Kalibo kay Mr. Proculo Ilejay, distributor it softdrinks nga nabase sa may banwa it Numancia, apektado sanda bangud sa pagtaas it presyo it asukar nga sambilog sa sangkap it softdrinks.
Kung dati segun hay sa ap-at hasta limang truck it softdrinks ro andang delivery sa 11 ka banwa sa Aklan, sa makarun hay sangka truck eon lang sa sang dominggo ro andang nade-deliver.
Pati segun ro trabaho it andang empleyado hay apektado eonman bangud kung owa it delivery hay owa man nagasueod ro empleyado rasun nga no work, no pay.
Pero ginklaro ni Mr. Ilejay nga owa nagsara ro andang sales office kundi limitado eang ro andang delivery it softdrinks. / ANN DESLENE SALAZAR