Magbibigay ang Department of Health (DOH) ng free routine at catch-up immunization para sa mga sanggol simula June 30 hanggang July 1.
Ayon kay DOH Undersecretary Maria Rosario Vergeire, kabilang sa mga bakunang ibibigay sa mga ito ay ang BCG, Hepatitis B, Penatavalent, Oral Polio, Inactivated Polio, Pneumococcal Conjugate at Measles-Mumps-Rubella.
Iginiit niya na hindi dito magtatapos ang kanilang routine vaccination campaigns katulad ng isinasagawa nilang Chikiting Vaccination Days.
Samantala, binigyang-diin ni Vergeire na available naman umano ang mga naturang bakuna sa health centers sa Pilipinas. (ARGIE ERGINA)