KORONADAL CITY- NAGSIMULA na sa pagtanggap ng applications ang Department of Labor and Employment o DOLE Region 12 para sa COVID 19 Adjustment Measures Program o CAMP 3.
Maaaring mag-apply dito ang mga pribadong establisemento o mga private sector employees na naapektuhan ng pagsarado ng kanilang kompanya, retrenchment, work suspension o temporary closure ng kanilang pinagtatrabhuan dahil sa implementasyon ng Alert Level III o mas mataas pang alert level sa kanilang lugar simula nitong Enero.
Ang mga kwalipikado ay makakatanggap ng one-time cash assistance na P 5,000.
Nilinaw ng DOLE na lahat ng affected workers, anuman ang kanilang employment status ay maaaring mag-apply.
Kabilang sa mga requirements na kailangang isumite ng mga apektadong trabahante ay ang clear photo nito na may hawak na valid government issued ID; at duly notarized proof of unemployment katulad ng Certificate of Employment, Notice of Termination, Notarized Affidavit of Termination of Employment, o Notice of Temporary Lay-off.
Ang application at mga mga documentary requirements ay dapat isumite online sa reports.dole.gov.ph/camp3.
Para sa dagdag na impormasyon, makipag-ugnayan lamang sa pinakamalapit na DOLE field office.
