Bangud sa tensyon nga nagatabo sa tunga it Ukraine ag Russia padayon ro paghina it suplay it petrolyo sa bieog nga kalibutan, rason nga sunod-sunod man ro pagtaas it presyo it gasolina sa nasyun.
Base sa mga reports, makarang dominggo ginaasahan ro pagtaas it diesel sa tunga it P11.75 ag P11.95 kada litro, magataas man ro gasolina sa P6.90 hasta P7.20 kada litro. Samtang sa kerosene, nagaabot raya it P9.70 hasta P9.80 kada litro.
Base kay Raymundo Parcon, presidente it Western Visayas Transport Cooperative (WVTC), ro padayon nga pagtaas it presyo hay sambilog ka mabahoe nga penetensya sa mga drivers.
Dugang pa nana, ro one-time government fuel subsidy (Pantawid Pasada fuel cards) nga P6,500 para sa kada driver hay kueang agud mabuligan ro mga drivers sa nasambitan nga paeas-anon.
Nagpahanumdom man si Parcon sa pagtaas it presyo it mga baeaklon bilang epekto it pagtaas it presyo it petrolyo sa merkado./JIL B. LACSON