TANGGONG sa selda sa Pendatun police station sa GenSan ang drayber sa tanker truck nga naila kang Japeth Pagapong, 31-anyos, taga Purok 77, Barangay Malabong, Paquibato District, Davao City.
Tungod wala pay nahimong pinal nga desisyon ang pamilya sa tulo ka biktima sa bangga sa Purok Darusalam, Barangay Bawing, Gensan.
Kahibaloan si Japeth ang nag-parking sa tanker truck sa outer lane sa Purok Darusalam kung asa nabangga ang pick-up kaniadtong Oktubre 13 sa gabie nga gikamatay nilang Marlon Ermac, 29-Anyos ug Jimmy Panerio, 43-Anyos, ug gikaangol ni Julius Cesar Balolong, 27-Anyos.
Nangayo sab og pasaylo si Japeth sa mga pamilya sa tulo ka biktima tungod igo lang matud pa niya gi-parking ang truck sa nasangpit nga lugar samtang kini nagkaon. Ug wala kini magdahom nga madisgrasya ang mga biktima.
Buot niini nga makauli na sa iyahang pamilya sa Davao City tungod naguol na matud pa ang iyahang buntis nga asawa. I Enamie Mogpon