Maga-release ro Department of Social Welfare and Development Field Office VI it inisyal nga balor it P3.75 million bilang subsidy para sa small rice retailers sa rehiyon.
Target it nasambit nga balor it kwarta nga mabuligan ro 250 small rice retailers nga gintumod it Department of Trade and Industry.
Suno kay Atty. Carmelo N. Nochete, Regional Director it DSWD-6, ginapadasig nanda ro pag-proseso sa subsidy para ro micro rice retailers hay insigida nga makabuoe it ayuda sa mas madaling paniempo.
Ro mga rice retailers hay pagataw-an it maximum nga P15,000 subsidy, sangka one-time assistance bangud sa presente nga sitwasyun. // ANN DESLENE SALAZAR