GIPAHAYAG sa labaw sa komitiba sa transportasyon nga si Kagawad Dominador Lagare Jr. nga plano sa Local Government Unit sa General Santos City nga pasudlon ang E-trike aron ipamasada sa kadalanan sa syudad alang sa transport modernization ug sa hamugaway nga pagsakay sa mga pasahero.
Sa E-trike nga plano adunay pagduha-duha ang pipila ka mga tricycle drivers sa kapasidad ug presyo sa E-trike.
Usa sa nakasulay sa E-trike nga gipamasada kaniadtong tuig 2012 nga si Rizolito Solis namahayag nga kaya sa E-trike nga ipasada sa syudad luwas sa mga tag-as nga bahin sa kabukiran.
Walay gasto sa gasolina apan ang presyo niini anaa sa dul-an tunga sa milyon ka pesos.
kahibaluan nga sa Gensan aduna nay unom ka kooperatiba nga nagpailawom sa transport modernization pinaagi sa electric jeepney ug mao usab nga adunay sugyot nga kausaban sa tricycle. I Ver Diazon