Arestado ro sangka eaeaki matapos ipatuman it mga otoridad ro search warrant para sa pag eabag sa RA 10591 o Comprehensive Laws on Firearms and Ammunition Regulatory Act.
Ginkilaea ro inarestong si Sonny Iyoyo Sr., 54yo ag residente it Brgy. San Dimas, Malinao, Aklan.
Narekober sa anang posisyon ro sangka unit it caliber .38 revolver nga owa it serial number; sangka caliber .22 revolver; sangka magazine it caliber .45; sangka toy gun; sangka caliber .22 (airgun); sangka sling bag; 23 assorted live ammunitions ag sangka fired cartridge.
Ro search warrant hay gin-isyu ni Hon. Bienvenido P. Barrios Jr., Executive Judge, RTC, 6th Judicial Region, Kalibo, Aklan.
Ro nasambit nga operasyon hay ginpatigayun it gintingob nga pwersa it CIDG Aklan, 1st Aklan PMFC, PIU Aklan ag NISGC-NAVFORCEN. // ANN DESLENE SALAZAR