DAKPAN sa nagkahiusang pwersa sa kapulisan sa GenSan ang usa ka empleyado sa barangay dungan sa pagpatuman sa warrant of arrest.
Giila sa rekord sa GenSan City Police Office (GSCPO) ang dinakpan nga si Glem Arances, 32-anyos, ulitawo, nagpuyo sa Barangay Fatima.
Matud ni Police Major Wesley Matillano, hepe sa presinto nasikop nila si Arances sa Fil-Am Avenue sa nasangpit nga barangay.
Unod sa warrant of arrest nga gisilbi sa dinakpan mao ang kasong sex assault apan wala pa nasayod si Matillano sa ugat hinungdan sa kaso. Apan gibutyag sa opisyal nga gihikutar na sa pamilya sa dinakpan ang P240, 000 pyansa nga girekomenda sa korte alang sa temporaryong kagawasan niini.
Samtang, una nang giangkon ni Col. Nicomedes Olaivar Jr., labaw sa GSCPO nga hugot ang operasyon nila batok wanted person. Tumong ang konhuran ang krimen nga nahitabo sa siyudad. I Richel Gubalani