Gikabalak-an sa Cagayan de Oro City Schools Division ang posibling epekto sa kainit sa panahon sa mga estudyante lakip sa mga magtutudlo ug ubang personnel and staff sa eskwelahan.
Sumala ni Cagayan de Oro City Assistant Schools Division Superintendent Audie Borres nga tungod sa kasamtangan nga kahimtang sa panahon, gihatagan sa gahom ang mga school administrators ug mga magtutudlo sa paghimo og lakang sama sa pagsuspende sa klase.
Gipasabot niini nga mamahimo nga mag-shift sa alternative delivery mode, ug magpagawas pa sa ubang lakang aron ma-protektahan ang mga estudyante ug magtutudlo.
Una niini, gihangyo sa usa ka grupo sa mga Teachers ang pag-rekonsidera sa pagpaubos sa oras sa klase, ug pagsuspende sa paggamit sa uniporme, ug maggamit sa lamang og desente ug komportabli nga sinena sa pagsulod sa eskwelahan.