IPATUMAN sa otoridad sa GenSan ang “no vaccination card, no entry” policy sa pagsulod sa mga establisimento. Ilawom sa Executive Order (EO) no.1 series of 2022 ang barangay ug kapulisan ang magpatuman sa polisiya.
Pinaagi sa pagpangita og vaccination certificates o vaccination cards on coronavirus disease 2019 (Covid-19) pagsulod. Matud ni Ryan Dupalco, kapitan sa Barangay Calumpang ipatuman na nila ang mandu ilawom sa EO sa ilang barangay.
Makig-alayon usab kini sa kapulisan aron hugot ma-implementa ang maong kamanduan. Ang GenSan base sa DOH-12 data, nakatala og kinatibuk-ang 14, 812 infection gikan pagsugod sa Covid-19 pandemic atong 2020.
Samtang karon naa sa 487 ang aktibong kaso ug nakatala og naa sa 571 Covid-19 related death. Gibawal usab ang pagpagawas sa panimalay sa bata edad 11-anyos paubos samtang gihugtan ang kampanya batok fake vaccinated card.
Sa datus gikan sa City Health Office, naangkon na sa GenSan ang mass immunity human nabakunahan batok virus ang 70% sa target eligible population. I Richel Gubalani