GIPAHIBALO sa City Veterinary Office sa publiko nga nga bawal ang pagpasulod og buhing baboy o processed pork products sa GenSan. Ang subling pagpahibalo sa CVO sa publiko ang aron padayong mabantayan ang siyudad batok sa African Swine Fever (ASF).
Ilawom sa City Ordinance No. 23, Series of 2020. Kahibaloan nga pipila na kaadlaw ang milabay sa sunod- sunod nga pagkumpiska sa gimuntar nga ASF checkpoints sa gisulayan og pasulod sa GenSan sa pork related products.
Nakumpiska sa Buayan ASF checkpoint ang 60 kilos sa lechong baboy gikan sa Sarangani Province, gawas sa 200 kilos a sa pork carcass sa Apopong ASF checkpoint nga gikan sa Carmen, Cotabato Province. Nagpabilin pa ang bahad sa ASF tungod pipila sa kasigbit nga dapit ang apektado gihapon sa maong virus.
Sama sa Mlang, Cotabato nga bag-ohay lang gipailawom sa culling ang ubang mga baboy gumikan positibo sa ASF. Kahibaloan nga usa ang GenSan sa nag-supply og baboy sa Luzon ug multi-billion nga hog industry ang angayang protektahan batok ASF. (Richel Gubalani)