Ini kasunod sang ‘strike operation’ sang 11th Infantry Battalion kag Philippine National Police sa Sitio, Tamlang, Barangay Talalak, Sta. Catalina, Negros Oriental tinalikdan nga Agusto 18, 2021.
Ginkilala ni Lieutenant Colonel Roderick Salayo, Acting Commanding Officer, 11IB nga amo sanday Roel Casilao alias Garry, Commanding Officer; Allan Ybañez alias Ban, member; Joselie Lasas alias Tete, member; kag Jestoni Lasas alias Tata, member, tanan ginapatihan myembro sang Lokal Guerilla Unit (LGU) sa South Eastern Front (SEF).
Narekober man sang otoridad ang duha (2) M14 rifles, isa (1) M16 rifle, isa (1) shotgun, tatlo (3) ka magazines sang M14, mga bala sang M16 kag shotgun, lakip na (2) kaposas ukon handcuffs, anum (6) ka disposable syringes, flash drives, mapa sang Negros Oriental, mga bulong kag iban pa nga mga dokumento.
Ginpanginbulahan naman ni Col. Leonardo Peña, Commander, 302nd Infantry Brigade ang 11th IB sa ginpatigayon nga operasyon nga nag resulta sa pagka arestar sang ginakabig myembro sang rebelding hubon.