Wala gid nagpaninguha ang sa karon nga pamunuan sang lokal nga gobyerno sang ciudad sang Talisay ilabi na ang talatapan ni Mayor Neil Lizares nga magpakig-dialogo upod sa 15 ka mga regular employee sang syudad humalin nga ginpahalin ini sila sa ila mga trabaho mga lima na ka tuig ang nakaligaD, Ini ang ginpahayag ni Ronie Nochete, ang spokeperson sang Talisay City Government Employees for Reform.
Suno kay Nochete, sa 15 nga ginhatagan sang ‘nullification letter’ nga ila gintawag nga illegal termination halin sa City Mayor’s Office, 14 na lamang sa ila ang nabilin bangud ang isa nil aka upod ang nagtaliwan na.
Ginpahayag sini nga yadto na sa Court of Appeals ang ila nga kaso kun sa diin ang syudad naman sang Talisay ang nagaapelar para sa dis-approval sang ila nga appointment.
Sa nahibaluan, nakapapana-og na sang desisyon ang Civil Service Commission Region 6 upod sa CSC – National Office nga nagamando sa lokal nga pamunu-an sang syudad nga pabalikon sa ila sini nga trabaho ang nasambit nga mga empleyado matapos ini sila ang gin-terminate sadtong Agosto 6, 2016.
Sa madumduman ang grupo ni Nochete ang nag-martsa sa dalan nga sakop sang Barangay Zone 12 kag magapadulong kuntani sa Talisay City Hall sadtong nagligad nga Agosto 9, 2021 apang ini sila ang ginbalabagan sang mga pulis sa dalan.
Sandig kay Nochete, plano man lang kuntani sang iya mga kaupdanan nga magpakigkita kay Mayor Lizares agud ipakita ukon ipresentar ang desisyun sang CSC