Magsasagawa ng imbestigasyon ang House Committee on Ways and Means sa umano’y talamak na agricultural smuggling sa Subic Port matapos masamsam kamakailan ang milyun-milyong pisong halaga ng mga smuggled goods.
Sa isang pahayag, sinabi ng chairman ng komite na si Albay Rep. Joey Salceda , na ang kawalang-interes ng Subic Bay Metropolitan Authority sa mga legitimate concerns tungkol sa smuggling ay hindi umano katanggap-tanggap para sa kanya.
Sinabi ng mambabatas na hindi bababa sa apat na operasyon ang isinagawa sa Subic noong Disyembre lamang at nasa Nasa 7000 metric tons ng smuggled na asukal ang naharang din sa Subic noong Agosto.
Dahil rito, tututok aniya ang kanyang komite sa pagtulong sa administrasyong Marcos sa pagsugpo sa smuggling sa bansa.//CA