Lumagda sa Pledge of Allegiance ang iba’t ibang sangay ng pamahalaan at samahan ng mga katutubo sa Zambales.
Ito ay bilang pagpapakita ng suporta sa gobyerno laban sa karahasan at insurhensya.
Kabilang sa nagbigay ng kanilang suporta ang isandaan at limampung mga katutubo sa lalawigan kasama ang mga tribal chieftain.
Ayon kay Zambales Police Provincial Director Pcol. Romano Cardiño, nais ng gobyerno na matugunan ang mga pangangailangan, magkaroon ng sapat na edukasyon at posisyon sa lipunan ang mga IP’s kaya kailangan maging buo ang pagsuporta ng mga ito at magtiwala sa pamahalaan.
Nangako din ang pulisya na mas paiigtingin pa ang Barangayanihan nito sa lahat ng lugar na hindi gaanong naabot ng lokal na pamahalaan.//Russell Banawa-BNFM IBA