Malampusong gi-agurahan kagahapong adlawa ang ika-13 nga fire station ning dakbayan sa Davao nga nahimutang sulod mismo sa compound sa Southern Philippines Medical Center.
Kahibaloan nga mokabat sa siyam ka mga barangay ang area of responsibility sa bag-ong abli nga fire station kung asa sagad sa barangay nahimutang sa Agdao District.
Ang maong pasilidad nagkantidad og P7.3 Milion nga mismong gidonar sa SPMC kung asa lakip sa mga nitambong sa blessing ang labaw sa SPMC nga si Dr. Ricardo Audan.
Kahinumduman nga ang SPMC fire station ang usa sa tulo ka bag-ong fire station ang gi-agurahan sa dakbayan karong tuiga.
Gibutyag usab ni F/Supt. Alex Pamaybay ang Director sa BFP-Davao City Fire District nga sa mosunod nga bulan sa septyembre paga-ablihan na usab ang ika-14 nga fire station nga mao ang Sasa Fire Station.