ILOILO — Ginasueong it Iloilo City government nga mataw-an it booster shots ro mga frontliners ag mabakunahan kontra sa covid-19 ro mga menor de edad.
Tinutuyo kara nga madugangan ro proteksyon it mga frontliners eabi eon ro medical personnel nga nagaatubang sa mga pasyenteng may covid-19.
Ag bangud nag umpisa eon segun ro vaccination sa mga unga, dapat man segun nga maumpisahan eon raya sa Iloilo.
Importante segun nga maumpisahan eon ro pilot implementation it face-to-face classes.
Ginpasiguro nga supisyente ro suplay it covid-19 vaccines sa syudad. / ANN DESLENE SALAZAR